Oct 12 2026
चाकण | १२ ऑक्टोबर २०२६ : खेड तालुक्यातील रासे गावात जुन्या भांडणाच्या रागातून एका तरुणावर धारदार चाकूने वार करून गंभीर जखमी केल्याची घटना घडली आहे. रासे गावठाणातील श्रीशा व्हरायटीज जनरल स्टोअर्ससमोरील रस्त्यावर हा हल्ला करण्यात आला. या प्रकरणी चाकण दक्षिण पोलीस ठाण्यात गुन्हा दाखल करण्यात आला असून, आरोपीला अटक करण्यात आली आहे.
पोलिसांनी दिलेल्या माहितीनुसार, राजेश अशोक मुंगसे (वय ३६, रा.रासे, ता. खेड, जि. पुणे) यांनी फिर्याद दिली आहे.
या प्रकरणी गणेश राजाराम मुंगसे (वय ३८, रा. रासे गावठाण, ता. खेड, जि. पुणे) याच्याविरोधात गुन्हा दाखल करण्यात आला असून, त्याला अटक करण्यात आली आहे.
ही घटना १० ऑक्टोबर २०२६ रोजी रात्री ११.३० वाजण्याच्या सुमारास रासे गावठाणातील श्रीशा व्हरायटीज जनरल स्टोअर्ससमोरील रस्त्यावर घडली.
फिर्यादीनुसार, राजेश मुंगसे यांचा मोठा भाऊ सुनील मुंगसे हे मोटारसायकलवरून रासे गावात फिरत होते. त्यावेळी त्यांचा मित्र गणेश मुंगसे याने त्यांना भावास मोटारसायकल थांबवण्यास सांगण्याची मागणी केली.
मात्र, जुन्या भांडणाचा राग मनात धरून गणेश मुंगसे याने सुनील मुंगसे यांच्या भावावर धारदार चाकूने वार केल्याचा आरोप फिर्यादीत करण्यात आला आहे. हा वार जीवे मारण्याच्या उद्देशाने करण्यात आल्याचे तक्रारीत नमूद असून, हल्ल्यात संबंधित व्यक्ती गंभीर जखमी झाली.
या प्रकरणी चाकण दक्षिण पोलीस ठाण्यात गुन्हा क्रमांक २५१/२०२६ दाखल करण्यात आला आहे.
भारतीय न्याय संहितेच्या कलम १०९(१) अंतर्गत खुनाच्या प्रयत्नाचा गुन्हा नोंदविण्यात आला आहे. या प्रकरणाचा पुढील तपास चाकण दक्षिण पोलीस करत आहेत.
May 12 2026
