माजी महापौर मंगलाताई कदम यांची पक्षातून हकालपट्टी करावी, राष्ट्रवादी काँग्रेस झोपडपट्टी सेलचे शहराध्यक्ष रवींद्र ओव्हाळ यांची मागणी
May 20 2026
6माजी महापौर मंगलाताई कदम यांची पक्षातून हकालपट्टी करावी, राष्ट्रवादी काँग्रेस झोपडपट्टी सेलचे शहराध्यक्ष रवींद्र ओव्हाळ यांची मागणी
पिंपरी, ता. २० - राष्ट्रवादी कॉंग्रेसच्या शहरातील नेत्या माजी महापौर मंगलाताई कदम यांची पक्षातून हकालपट्टी करावी अशी मागणी पिंपरी-चिंचवड राष्ट्रवादी काँग्रेस पार्टी झोपडपट्टी सेलचे अध्यक्ष रवींद्र ओव्हाळ यांनी पक्षाच्या राष्ट्रीय अध्यक्ष उपमुख्यमंत्री सुनेत्रा पवार यांच्याकडे केली आहे.
ओव्हाळ यांनी उपमुख्यमंत्री सुनेत्रा पवार यांना दिलेल्या निवेदनात म्हटले आहे की, माजी महापौर मंगलाताई कदम यांचा एक व्हिडिओ समाज माध्यमांवर प्रसारित झाला आहे. यामध्ये त्यांनी मागील काळात राष्ट्रवादी काँग्रेस पक्षविरोधी काम केल्याची अप्रत्यक्षरीत्या कबुली दिली आहे. नुकत्याच झालेल्या पिंपरी चिंचवड महानगरपालिका निवडणुकीमध्ये त्यांनी त्यांच्या मुलाला भाजपाची उमेदवारी मिळवून देऊन जाहीरपणे प्रचार केला आहे. याची पक्षप्रमुख म्हणून आपण गंभीर दखल घेऊन मंगलाताई कदम यांच्यावर बडतर्फीची कारवाई करावी आणि त्यांची पक्षातून त्वरित हकालपट्टी करावी.
या पत्रावर खजिनदार दीपक साकोरे, सेवादल शहराध्यक्ष ज्ञानेश्वर मोरे, सामाजिक न्याय विभाग अध्यक्ष संजय अवसरमल, पदवीधर सेल अध्यक्ष प्रदीप औटी आणि वाहतूक सेल अध्यक्ष विनोद वरखेडे यांनी देखील सह्या केल्या आहेत.
May 20 2026
