Oct 12 2026
पिंपरी-चिंचवड | १२ ऑक्टोबर २०२६ : पिंपरी-चिंचवड शहरातून एक वर्षासाठी तडीपार करण्यात आलेला तरुण कोणतीही पूर्वपरवानगी न घेता पुन्हा शहरात आल्याचा प्रकार निगडीतील अजंठानगर परिसरात उघडकीस आला आहे. या तरुणाने शस्त्रबंदी आदेशाचे उल्लंघन करून स्वतःजवळ तलवार बाळगल्याचेही पोलिसांच्या माहितीत नमूद आहे. या प्रकरणी निगडी पोलीस ठाण्यात गुन्हा दाखल करण्यात आला असून आरोपीला अटक करण्यात आली आहे.
पोलिसांनी दिलेल्या माहितीनुसार, दयानंद बालाजी ऊर्फ बाबासाहेब घाडगे (वय २०, अजंठानगर, चिंचवड, पुणे) असे अटक करण्यात आलेल्या आरोपीचे नाव आहे.
या प्रकरणी किशोर दगड घोरपडे (वय २५, पोलीस कॉन्स्टेबल, बक्कल क्रमांक ३६२३, नेमणूक निगडी पोलीस ठाणे) यांनी फिर्याद दिली आहे.
ही घटना ११ ऑक्टोबर २०२६ रोजी रात्री १२.३० वाजण्याच्या सुमारास अजंठानगर येथील सार्वजनिक स्वच्छतागृहाजवळ, सी पत्रा शेड परिसरात घडली.
पोलिसांच्या माहितीनुसार, आरोपी दयानंद घाडगे याला पोलीस उपायुक्त, परिमंडळ-१, पिंपरी-चिंचवड यांच्या १ डिसेंबर २०२५ रोजीच्या आदेशानुसार पुणे शहर पोलीस आयुक्तालय, पिंपरी-चिंचवड पोलीस आयुक्तालय आणि पुणे जिल्ह्याच्या हद्दीतून एक वर्षासाठी तडीपार करण्यात आले होते.
मात्र, तडीपारीचा कालावधी सुरू असतानाही आरोपीने कोणत्याही कायदेशीर पूर्वपरवानगीशिवाय प्रतिबंधित हद्दीत प्रवेश केल्याचे फिर्यादीत नमूद आहे. तसेच २५ सप्टेंबर २०२६ रोजी जारी करण्यात आलेल्या शस्त्रबंदी आदेशाचे उल्लंघन करून आरोपीने जवळ तलवार बाळगल्याचा आरोप आहे.
या प्रकरणी निगडी पोलीस ठाण्यात गुन्हा क्रमांक ९०८/२०२६ दाखल करण्यात आला आहे. आरोपीविरोधात भारतीय शस्त्र अधिनियमाचे कलम ४(२५), महाराष्ट्र पोलीस अधिनियमाचे कलम ३७(१)(३), १३५ आणि १४२ अन्वये कारवाई करण्यात आली आहे.
या प्रकरणात आरोपीला अटक करण्यात आली असून पुढील तपास निगडी पोलीस करत आहेत.
May 12 2026
