May 22 2026
6पुणे जिल्ह्यातील सर्व माध्यमिक शाळा १५ जून रोजी सुरु होणार
पुणे, ता. २२ - पुणे जिल्ह्यातील सर्व माध्यमिक शाळा १५ जून रोजी सुरु होणार आहेत. पुण्यातील माध्यमिक शिक्षण विभागाने मान्यता प्राप्त सर्व माध्यमिक शाळांना हे वेळापत्रक पाठवले आहे. या परिपत्रकात शाळांनी वेळापत्रकाचे काटेकोर पालन करावे असे निर्देश देण्यात आले आहेत. शाळा व्यवस्थापन, शिक्षक आणि पालकांनी वेळापत्रकानुसार नियोजन करावे, असे आवाहन विभागाने केले आहे.
परिपत्रकानुसार, १५ जून २०२६ पासून नव्या शैक्षणिक सत्राला सुरुवात होईल. पहिले सत्र ३१ ऑक्टोबर २०२६ पर्यंत असेल, पहिल्या सत्रात नियमित वर्ग, परीक्षा आणि इतर शैक्षणिक उपक्रम घेण्यात येतील. पहिल्या सत्रानंतर २ नोव्हेंबर ते १४ नोव्हेंबर २०२६ या कालावधीत विद्यार्थ्यांना दिवाळीची सुट्टी असेल. दुसरे सत्र १५ नोव्हेंबर २०२६ रोजी सुरु होईल आणि ते १ मे २०२७ पर्यंत चालणार आहे. या सत्रातही नियमित शैक्षणिक कामकाज सुरु राहील. दुसऱ्या सत्रानंतर उन्हाळी सुट्टीची घोषणा करण्यात आली आहे. ३ मे २०२७ ते १४ जून २०२७ या कालावधीत उन्हाळी सुट्टी असेल.
वेळापत्रकाचे नियोजन केल्यामुळे शाळांना उपक्रमांचे नियोजन अधिक व्यवस्थितरित्या करता येणार आहे. विद्यार्थी, शिक्षक आणि पालकांनी या नव्या शैक्षणिक वर्षाची तयारी सुरू करावी, असे आवाहन शिक्षण विभागाने केले आहे.
May 22 2026
