pimprichinchwad
Mar 02 2026
5
आप्पासाहेब काळोखे यांचा 'यमूनानगर भूषण' पुरस्काराने सन्मान
पिंपरी, ता. २ - राजमाता अहिल्यादेवी होळकर प्रतिष्ठानच्या वतीने जेष्ठ सामाजिक कार्यकर्ते व देहू नगरपंचायतीचे माजी सभापती गोपाळ उर्फ आप्पासाहेब काळोखे यांना ज्येष्ठ साहित्यिक डॉ. श्रीपाल सबनीस यांच्या हस्ते 'यमूनानगर भूषण' पुरस्काराने सन्मानित करण्यात आले. यावेळी, नवनिर्वाचित नगरसेविका सुलभा उबाळे, नगरसेवक उत्तम केंदळे, बापू घोलप, अर्चना कारंडे यांचाही सन्मान करण्यात आला.
कार्यक्रमाचे उद्घाटन उद्योजक विजयकुमार जयशेट्टे यांच्या हस्ते करण्यात आले. यावेळी विरोधी पक्षनेते भाऊसाहेब भोईर, हवेली पंचायत समितीचे सदस्य बाळासाहेब काळोखे, माजी नगरसेवक सचिन चिखले, राजाभाऊ गोलांडे, गणेश काळोखे, पांडुरंग काळोखे, भानूदास काळोखे, माजी प्राचार्य डॉ. सोमनाथ नजन, राहूल जाधव, ज्ञानेश्वर बिराजदार, विठ्ठल मंदिरचे अध्यक्ष अंकुश जगदाळे, नारायण पाटील आदी उपस्थित होते.
कार्यक्रमाचे आयोजन प्रतिष्ठानचे अध्यक्ष प्रा. राजेंद्र घोडके, उत्सव समितीचे अध्यक्ष रविंद्र चित्ते, उपाध्यक्ष दीपक वाणी, कार्याध्यक्ष दत्तात्रय मेमाणे, भरत डोके, दिगंबर पेटकर, गौरव सोनवणे, विश्वनाथ घोडके, सागर सुरवसे, उमेश कागे यांनी केले. प्रास्ताविक शोभा घोडके यांनी केले. सुनिता सुर्यवंशी यांनी मानपत्राचे वाचन केले. दीपक मुगावे यांनी सूत्रसंचालन केले. नरसिंग माने यांनी आभार मानले.
