ऑल इंडिया आर्म रेसलिंग चॅम्पियनशिपमध्ये पिंपरी-चिंचवडमधील अथर्व भागवत याला रौप्यपदक
Mar 31 2026
39
ऑल इंडिया आर्म रेसलिंग चॅम्पियनशिपमध्ये पिंपरी-चिंचवडमधील अथर्व भागवत याला रौप्यपदक
पिंपरी, ता. ३१ - पिंपरी-चिंचवड विद्यापीठ (पीसीयू) मधील बी.एस्सी. न्यूट्रिशन अँड डायटेटिक्स शाखेतील विद्यार्थी अथर्व अविनाश भागवत याने ऑल इंडिया इंटर-युनिव्हर्सिटी आर्म रेसलिंग चॅम्पियनशिप २०२५-२६ मध्ये पुरुष विभागात ८५ किलो वजन गटात रौप्य पदक पटकावले.
अलिगढ येथील राजा महेंद्र प्रताप सिंह विद्यापीठ येथे असोसिएशन ऑफ इंडियन युनिव्हर्सिटीज, नवी दिल्ली यांच्या वतीने या स्पर्धेचे आयोजन करण्यात आले होते. या स्पर्धेसाठी अथर्वला पीसीयू क्रीडा संचालक डॉ. विवेक भोसले यांनी मार्गदर्शन केले. सर्व विद्यार्थी व प्राध्यापकांनी अथर्वचे अभिनंदन केले आहे.
पिंपरी-चिंचवड विद्यापीठाचे कुलगुरु डॉ. संतोष सोनावणे यांनी सांगितले की, ''पीसीयूमधील विद्यार्थ्यांना शैक्षणिक अभ्यासक्रम बरोबर क्षेत्रातच क्रीडा क्षेत्रासाठी देखील प्रोत्साहन आणि मार्गदर्शन केले जाते. त्यासाठी आवश्यक त्या सेवा सुविधा उपलब्ध करुन दिल्या जातात. या सुविधांचा वापर करुन पीसीयूमधील विद्यार्थी राष्ट्रीय पातळीवर क्रीडा स्पर्धेत यश मिळवत आहेत. त्यांचा संस्थेला अभिमान आहे.''
पीसीयूच्या वतीने अथर्व भागवत याचा सत्कार करण्यात आला. यावेळी पिंपरी चिंचवड एज्युकेशन ट्रस्टचे विश्वस्त तथा पीसीयू कुलपती हर्षवर्धन पाटील, पीसीइटी अध्यक्ष ज्ञानेश्वर लांडगे, उपाध्यक्ष पद्मा भोसले, सचिव विठ्ठल काळभोर, खजिनदार शांताराम, गराडे, व्यवस्थापन समिती सदस्य अजिंक्य काळभोर, नरेंद्र लांडगे, कार्यकारी संचालक डॉ गिरीश देसाई तसेच प्र-कुलगुरू डॉ. सुदीप थेपडे, कुलसचिव डॉ. अनिल महेश्वरी, विभाग प्रमुख डॉ. रुचू कुथियाला यांनी अथर्वचे अभिनंदन केले.
Mar 31 2026
