Jul 08 2026
17महावितरणच्या डीपी बॉक्सचा करंट लागून गायीचा मृत्यू
पिंपरी, ता. ८ जुलै २०२६ - पिंपरी गावातील तपोवन मंदिर रोड परिसरात गणेश मंदिराजवळ महावितरणच्या संपूर्ण डीपी बॉक्सला विद्युत प्रवाह आल्याने एका गायीचा मृत्यू झाला. मंगळवारी (ता. ७ जुलै) दुपारी सुमारे १२.१५ वाजता ही घटना घडली. गाय विद्युत प्रवाहाच्या संपर्कात येताच काही फूट दूर फेकली गेली आणि तिचा जागीच मृत्यू झाला.
या घटनेनंतर युवा सामाजिक कार्यकर्ते सुहास कुदळे यांनी महावितरणच्या संबंधित अधिकारी व कर्मचाऱ्यांवर कायदेशीर कारवाई करण्याची मागणी केली आहे. त्यांनी सांगितले की, यापूर्वी १२ मे २०२५ रोजी पिंपरीतील वैभवनगर परिसरातही अशाच प्रकारे करंट लागून गायीचा मृत्यू झाला होता. त्या प्रकरणात जबाबदार अधिकाऱ्यांवर अद्याप कारवाई झालेली नसल्याचा आरोप त्यांनी केला.
वैभवनगर तसेच किर्ती हॉस्पिटल परिसरातील या दोन्ही घटनांमधील दोषींवर कारवाई होईपर्यंत पाठपुरावा सुरू ठेवला जाईल, असे कुदळे यांनी सांगितले.
Jul 08 2026
