खासदार श्रीरंग बारणे यांच्याकडून केलेल्या विकासकामांचा अहवाल पंतप्रधान नरेंद्र मोदी यांना सादर
पिंपरी, ता. 10 ऑगस्ट 2026 - मावळ लोकसभा मतदारसंघाचे खासदार श्रीरंग बारणे यांनी मतदारसंघातील विकासकामांचा बारावा वार्षिक अहवाल पंतप्रधान नरेंद्र मोदी यांना सोमवारी (ता. १०) सादर केला.
या भेटीदरम्यान खासदार बारणे यांनी पंतप्रधानांशी मतदारसंघातील विविध प्रलंबित व पूर्ण झालेल्या विकासकामांवर सविस्तर चर्चा केली.
हा अहवाल ई-बुकमध्ये तयार करून सोशल मीडियावर प्रसिद्ध करावा. सोशल मीडियाच्या वापराचा सल्ला पंतप्रधान नरेंद्र मोदी यांनी खासदार बारणे यांना दिला.
खासदार श्रीरंग बारणे यांची ही तिसरी टर्म आहे. खासदार बारणे वर्षभरात केलेल्या कामांचा अहवाल दरवर्षी काढतात. तिसऱ्या टर्ममधील दुसरा आणि आतापर्यंतचा बारावा अहवाल आहे. हा अहवाल पंतप्रधान नरेंद्र मोदी यांना सादर केला. अहवाल स्वीकारताना पंतप्रधानांनी दरवर्षी अहवाल प्रसिद्ध करण्याच्या या उपक्रमाचे कौतुक केले व शुभेच्छा दिल्या.
विकासकामे अधिकाधिक लोकांपर्यंत पोहोचवण्यासाठी डिजिटल माध्यमांचा प्रभावी वापर करण्याचा महत्त्वपूर्ण सल्ला दिला.
विकासकामांचा अहवाल ‘ई-बुक’ (E-book) स्वरूपात तयार करून तो सोशल मीडियावर प्रसिद्ध करावा, जेणेकरून जास्तीत जास्त नागरिकांपर्यंत ही माहिती सहज पोहोचू शकेल. सुमारे २६ लाख एवढी मोठी लोकसंख्या असलेल्या मतदारसंघात प्रत्येक नागरिकाशी थेट संपर्क ठेवणे कठीण असते. अशा वेळी सोशल मीडिया व कार्यकर्त्यांच्या माध्यमातून केंद्र व राज्य सरकारच्या योजना आणि विकासकामे जनतेपर्यंत पोहोचवणे सुलभ होते. सरकारच्या कल्याणकारी योजना व विकासकामांची माहिती लोकांपर्यंत पोहोचवण्यासाठी डिजिटल व आधुनिक संपर्क माध्यमे अत्यंत प्रभावी ठरतात, असा सल्ला पंतप्रधान नरेंद्र मोदी यांनी दिला.
या भेटीनंतर केंद्र आणि राज्य सरकारच्या माध्यमातून मतदारसंघात झालेली विकासकामे अधिक गतीने जनतेपर्यंत पोहोचवण्याचा संकल्प खासदार बारणे यांनी व्यक्त केला.
Aug 10 2026
Aug 10 2026
