वेश्याव्यवसायाच्या उद्देशाने सार्वजनिक ठिकाणी गैरवर्तन करणाऱ्या महिलांविरोधात गुन्हा दाखल
May 20 2026
3वेश्याव्यवसायाच्या उद्देशाने सार्वजनिक ठिकाणी गैरवर्तन करणाऱ्या महिलांविरोधात गुन्हा दाखल
पिंपरी, ता. २० - वेश्याव्यवसायाच्या उद्देशाने सार्वजनिक ठिकाणी गैरवर्तन करणाऱ्या महिलांविरोधात पोलिसांनी गुन्हा दाखल केला आहे. पिंपरी व देहूरोड पोलिस ठाण्याच्या हद्दीत या महिला गैरवर्तन करताना आढळल्या आहेत.
पिंपरी पोलिस ठाण्याच्या हद्दीत पिंपरी चौकातूकडून शगुन चौकाकडे जाणाऱ्या रस्त्यावर सिटी प्लाजा समोर एक महिला मंगळवारी (ता. १९) गैरवर्तन करत होती. तर देहूरोड पोलिस ठाण्याच्या हद्दीत मंगळवारीच (ता. १९) किवळे पुलाजवळ द्वारका लॉजसमोर दोन महिला व लेखा फार्म जवळ स्वर्ग डॉजसमोर दोन महिला गरैवर्तन करत होत्या.
या महिला वेश्याव्यवसाय करण्याचे उद्देशाने शब्दोच्चार करुन, डोळयाने खुणवून, हाताने लैंगिक हावभाव करुन सार्वजनिक ठिकाणी येणारे-जाणारे लोकांना अडथळा निर्माण करत होत्या. त्यांच्या या गैरवर्तनामुळे सार्वजनिक शिष्टाचार व सभ्यतेचा भंग होत होता.
दोन्ही ठिकाणी आढळून आलेल्याया महिलांवर पिंपरी व देहूरोड पोलिस ठाण्यात अनैतिक व्यापारास प्रतिबंध अधिनियम १९५६ च्या कलम ८ प्रमाणे गुन्हा दाखल करण्यात आला आहे.
May 20 2026
