Oct 19 2026
पिंपरी | १८ ऑक्टोबर २०२६ : मोटारसायकल लावण्याच्या कारणावरून झालेल्या भांडणाचा राग मनात धरून एका व्यावसायिकाला शिवीगाळ करत लाकडी दांडक्याने आणि लोखंडी रॉडने मारहाण केल्याची घटना पिंपरीतील बलदेवनगर परिसरात घडली. या प्रकरणी तीन जणांविरोधात पिंपरी पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, १५ ऑक्टोबर २०२६ रोजी दुपारी १२ ते १२.३० वाजण्याच्या सुमारास इंदिरा गांधी शाळेजवळील बलदेवनगर, शॉप नंबर ५१, फेमस मेन्स टेलर शॉपजवळ ही घटना घडली.
या प्रकरणी दिपक मोहन खत्री (वय ४५ वर्षे, व्यवसाय - व्यवसाय, रा. महागंगा कॉलनी, लकी बेकरीसमोर, नढेनगर, काळेवाडी, पुणे) यांनी फिर्याद दिली आहे.
फिर्यादी आणि आरोपी संतोष काटे यांच्यात यापूर्वी मोटारसायकल लावण्याच्या कारणावरून भांडण झाले होते. याच भांडणाचा राग मनात धरून संतोष काटे याने त्याचे मित्र दिनेश कांबळे आणि रोहित यांच्यासह फिर्यादीला मारहाण केल्याचे तक्रारीत नमूद आहे.
फिर्यादीनुसार, आरोपी संतोष काटे याने जुन्या वादातून चिडून जाऊन इतर दोघांना सोबत घेतले. त्यानंतर तिघांनी दुपारी पुन्हा फेमस मेन्स टेलर शॉपजवळ येऊन फिर्यादीला शिवीगाळ केली आणि हाताने मारहाण केली.
यावेळी संतोष काटे याने लाकडी दांडक्याने, तर रोहित याने लोखंडी रॉडने मारहाण करून जखमी केल्याचा आरोप फिर्यादीने केला आहे.
या प्रकरणी पिंपरी पोलीस ठाण्यात गुन्हा क्रमांक ९६३/२०२६ दाखल करण्यात आला आहे. भारतीय न्याय संहितेच्या कलम ११८(१), ११५(२), ३५२, ३(५), ३५१(२) तसेच महाराष्ट्र पोलीस अधिनियमातील संबंधित कलमांनुसार गुन्ह्याची नोंद करण्यात आली आहे.
या प्रकरणाचा पुढील तपास पोलीस अधिकारी बारशिंगे करत आहेत.
May 12 2026
