Oct 10 2026
पिंपरी | १० ऑक्टोबर २०२६ : पिंपरीतील संजय गांधीनगर परिसरात सुरू असलेले भांडण सोडवण्यासाठी गेलेल्या ३२ वर्षीय तरुणावर लोखंडी सळईने हल्ला केल्याची घटना घडली आहे. या हल्ल्यात तरुणाच्या उजव्या हाताच्या मनगटाजवळ दुखापत झाली. या प्रकरणी पिंपरी पोलीस ठाण्यात एकाविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, सुरज अभिमान निसर्गन (वय ३२, रा. संजय गांधीनगर, पिंपरी, पुणे) असे जखमी फिर्यादीचे नाव आहे. तर भारत मिरपगारे (रा. संजय गांधीनगर, पिंपरी, पुणे) असे गुन्हा दाखल झालेल्या आरोपीचे नाव आहे.
ही घटना गुरुवारी (८ ऑक्टोबर २०२६) रात्री ११.०५ वाजण्याच्या सुमारास पिंपरीतील संजय गांधीनगर येथील सार्वजनिक ठिकाणी घडली.
फिर्यादी हे परिसरात सुरू असलेले भांडण सोडवण्यासाठी गेले होते. त्यावेळी आरोपीने त्यांच्या पाठीमागून येऊन लोखंडी सळईने उजव्या हाताच्या मनगटाजवळ मारल्याचे फिर्यादीत नमूद करण्यात आले आहे.
या हल्ल्यात सुरज यांच्या उजव्या हाताला दुखापत झाली. घटनेनंतर त्यांनी पिंपरी पोलीस ठाण्यात तक्रार दिली.
त्यानुसार पिंपरी पोलीस ठाण्यात गुन्हा क्रमांक ९२६/२०२६ नोंदविण्यात आला असून, भारतीय न्याय संहिता २०२३ च्या कलम ११५(२) आणि ११८(१) अंतर्गत गुन्हा दाखल करण्यात आला आहे. या प्रकरणाचा पुढील तपास पिंपरी पोलीस करत आहेत.
May 12 2026
