Sep 17 2026
रावेत | 16 सप्टेंबर 2026 : रावेत येथील बीआरटी मार्गातून पायी चालत जात असलेल्या महिलेला भरधाव कारने जोरदार धडक दिल्याने त्यांच्या डोक्याला गंभीर दुखापत झाल्याची घटना घडली. अपघातात त्यांच्या मेंदूच्या उजव्या बाजूला गंभीर मार लागला आणि नाकाचे हाड फ्रॅक्चर झाले. धडक दिल्यानंतर जखमी महिलेला मदत न करता संबंधित कारचालक वाहनासह घटनास्थळावरून पसार झाला .
पोलिसांनी दिलेल्या माहितीनुसार, ही घटना 12 सप्टेंबर रोजी दुपारी 2.45 वाजण्याच्या सुमारास रावेत पंपिंग स्टेशन बसस्टॉप परिसरात घडली.
या प्रकरणी रामेश्वर सुखदेव मुळे (वय 39, रा.थेरगाव, पुणे) यांनी फिर्याद दिली आहे.
आरोपी MH 14 LP 4901 क्रमांकाच्या काळ्या रंगाच्या कारवरील अज्ञात चालक आहे.
फिर्यादी यांच्या पत्नी आणि मुलगी या संत तुकाराम महाराज ब्रिजजवळील चौकात उतरल्या होत्या. त्यानंतर त्या रावेत पंपिंग स्टेशन बसस्टॉपकडे बीआरटी मार्गातून पायी चालत जात होत्या.
याच वेळी काळ्या रंगाच्या कारच्या चालकाने वाहन भरधाव वेगात आणि बेदरकारपणे चालवत वाहतुकीच्या नियमांकडे दुर्लक्ष केले. कारने बीआरटी मार्गातून येत ज्योती मुळे यांना उजव्या बाजूने जोरदार धडक दिली.
धडकेत त्यांच्या डोक्याच्या उजव्या बाजूला गंभीर मार लागला तसेच नाकाचे हाड फ्रॅक्चर झाले. अपघातानंतर चालकाने जखमी महिलेला मदत केली नाही आणि वाहनासह घटनास्थळावरून निघून गेला.
याप्रकरणी रावेत पोलीस ठाण्यात गुन्हा क्रमांक 406/2026 अंतर्गत भारतीय न्याय संहिता आणि मोटार वाहन कायद्याच्या संबंधित कलमांनुसार गुन्हा दाखल करण्यात आला आहे. पुढील तपास पोलीस करत आहेत.
May 12 2026
