Sep 12 2026
थेरगाव | 11 सप्टेंबर 2026 : पेट्रोलसाठी पैसे देण्यास नकार दिल्याच्या कारणावरून पत्नीचा गळा दाबून जीवे मारण्याचा प्रयत्न केल्याचा तसेच हातोड्याने मारहाण केल्याचा आरोप पतीवर करण्यात आला आहे. या प्रकरणी एका 30 वर्षीय महिलेने फिर्याद दिली आहे. काळेवाडी पोलीस ठाण्यात गुन्हा क्रमांक 464/2026 दाखल करण्यात आला आहे.
पोलिसांनी दिलेल्या माहितीनुसार, घटना 1 सप्टेंबर 2026 रोजी सकाळी सुमारे 10 वाजता थेरगावमधील संभाजीनगर येथील अशोका सोसायटी परिसरातील घरात घडली. आरोपी सोमणाथ रावसाहेब एडके (वय 36) याने फिर्यादीकडे दुचाकीत पेट्रोल भरण्यासाठी पैसे मागितले. फिर्यादीने पैसे देण्यास नकार दिल्यानंतर आरोपी संतापल्याचा आरोप आहे.
तक्रारीनुसार, आरोपीने फिर्यादीला जीवे मारण्याची धमकी देत दोन्ही हातांनी तिचा गळा जोरात दाबला. त्यानंतर घरातील लोखंडी हातोड्याने तिच्या डाव्या हाताच्या मनगटावर, दंडावर आणि कोपरावर मारहाण करून जखमी केल्याचे नमूद करण्यात आले आहे. आरोपीने हातोड्याने डोक्यावर वार करण्याचाही प्रयत्न केला; मात्र फिर्यादीने तो वार चुकविल्याचे पोलिसांनी सांगितले.
या प्रकारानंतर आरोपीने फिर्यादीसह तिच्या नातेवाईकांनाही जीवे मारण्याची धमकी दिल्याचा आरोप आहे. शिवीगाळ केल्याचाही उल्लेख तक्रारीत करण्यात आला आहे.
या प्रकरणी भारतीय न्याय संहितेतील संबंधित कलमांनुसार गुन्हा नोंदविण्यात आला असून पुढील तपास काळेवाडी पोलीस करत आहेत.
May 12 2026
