Sep 11 2026
चिंचवड | 11 सप्टेंबर 2026 : ध्वनीप्रदूषणाच्या समस्येबाबत नागरिकांमध्ये जनजागृती करण्याच्या उद्देशाने चिंचवड येथे ‘वार्तालाप’ कार्यक्रमाचे आयोजन करण्यात आले आहे. शनिवार, 12 सप्टेंबर 2026 रोजी दुपारी 12 वाजता सायन्स पार्क, चिंचवड येथील तारांगण सभागृहात हा कार्यक्रम होणार आहे.
ध्वनीप्रदूषण विषयक जनजागृती करणारे विद्यानंद बापट यांच्यासोबत या कार्यक्रमात संवाद साधण्यात येणार आहे. वाढते ध्वनीप्रदूषण आणि त्याबाबत नागरिकांमध्ये आवश्यक असलेली जागरूकता हा कार्यक्रमाचा प्रमुख विषय आहे.
या कार्यक्रमात जयंत जाधव, अविनाश चिलेकर, श्रीनिवास नागे, किरण जोशी, नंदकुमार सातुर्डेकर, विवेक इनामदार, मनोज मोरे, विजय जगताप, नाना कांबळे, संतोष मिश्रा, गोविंद वाकडे, रोहित आठवले, राजा गायकवाड, अमोल काकडे, विकास शिंदे, मंगेश हाडके, नितीन शिंदे, अश्विनी भोगाडे आणि अमृता आंबोळे यांचा सहभाग आहे.
या ‘वार्तालाप’ कार्यक्रमाचे आयोजन अश्विनी सातव डोके यांनी केले आहे.
ध्वनीप्रदूषणासारख्या नागरी जीवनाशी संबंधित विषयावर नागरिकांमध्ये जनजागृती करणे आणि या विषयाकडे लक्ष वेधणे हा या ‘वार्तालाप’ कार्यक्रमाचा उद्देश आहे.
May 12 2026
