pimprichinchwad
Feb 26 2026
16
काळेवाडीमध्ये अडीच लाखांचा गांजा जप्त, तिघांना अटक
पिंपरी, ता. २६ - काळेवाडीमध्ये एकूण २ लाख ६५ हजार ३५० रुपयांचा निव्व्ळ गांजा व हायड्रोपोनिक गांजा बुधवारी (ता. २५) पहाटे पिंपरी-चिंचवड गुन्हे शाखा युनिट - २ च्या पथकाने जप्त केला आहे. हा गांजा बाळगणाऱ्या तीन युवकांना पोलिसांनी अटक केली आहे.
पोलिसांनी दिलेल्या माहितीनुसार, आरोपींनी विक्रीसाठी हा गांजा बेकायदेशीररित्या बाळगला होता. आरोपींपैकी एकाकडे ९३ ग्रॅम वजनाचा व ४ हजार ६५०/- किंमतीचा निव्वळ गांजा, दुसऱ्याकडे ३.३० ग्रॅम वजनाचा व ३० हजार ३००/- किंमतीचा हायड्रोपोनिक गांजा आणि तिसऱ्याकडे २३.४० ग्रॅम वजनाचा २ लाख ३० हजार ४००/- किंमतीचा हायड्रोपोनिक गांजा सापडला. हा एकूण ९३ ग्रॅम गांजा व २६.७० ग्रॅम हायड्रोपोनिक गांजा २ लाख ६५ हजार ३५०/- किंमतीचा आहे.
पोलिसांनी आरोपींना अटक केली आहे. आरोपींविरोधात काळेवाडी पोलीस ठाण्यात एनडीपीएस अॅक्ट कलम ८ (क), २० (ब)(ii)(अ) व २९ प्रमाणे गुन्हा दाखल करण्यात आला आहे.
आरोपींची नावे -
१) प्रतिक राकेश खैरनार वय २७ वर्षे रा. रॉयल सिमा पीजी, मातोश्री बिल्डींग मुकाईनगर, हिंजवडी
२) मयुर घनश्याम कपाटे वय-२५ वर्षे रा. रुमनं. ५३, चौथा मजला, बिल्डींग नं.४, लिंक रोड, अशोकनगर, पिंपरी
३) अक्षय विजय मंधान वय-२८ वर्षे रा. दुसरा मजला, ए विंग, पियुष पार्क, शिवाजी पुतळ्या जवळ, पिंपरीगाव
