Sep 17 2026
नेहरूनगर | 16 सप्टेंबर 2026 : नेहरूनगर येथील महालक्ष्मी चेंबरमध्ये असलेल्या साई इलेक्ट्रिकल दुकानातून तब्बल 71 हजार 980 रुपये किमतीची 50 मीटर पॉलीकॅब केबल अज्ञात चोरट्याने चोरून नेल्याची घटना समोर आली आहे. दुपारच्या वेळी अवघ्या एका तासाच्या कालावधीत ही चोरी झाली. याप्रकरणी संत तुकारामनगर पोलीस ठाण्यात अज्ञात चोरट्याविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, ही घटना 15 सप्टेंबर रोजी दुपारी 3.30 ते सायंकाळी 4.30 वाजण्याच्या दरम्यान नेहरूनगर येथील महालक्ष्मी चेंबरमधील साई इलेक्ट्रिकल नावाच्या दुकानात घडली.
या प्रकरणी राजेश श्यामलाल मुलचंदानी (वय 46, रा. सी-ब्लॉक, 8/6, वैष्णोदेवी मंदिराजवळ, पिंपरी, पुणे-17) यांनी फिर्याद दिली असून अज्ञात चोरट्या विरोधात गुन्हा दाखल करण्यात आला आहे.
फिर्यादी यांच्या मालकीची CU.COND HR FR-LSHINDL FLEXIBLE CABLE95XIC BLACK या मॉडेलची 50 मीटर पॉलीकॅब केबल वायर दुकानात होती. तिची किंमत 71 हजार 980 रुपये आहे.
घटनेच्या कालावधीत अज्ञात चोरट्याने स्वतःच्या फायद्यासाठी ही केबल मुद्दाम लबाडीने चोरून नेल्याचा आरोप आहे. दुकानातील महागडी केबल चोरीला गेल्याचे लक्षात आल्यानंतर याबाबत पोलिसांकडे तक्रार करण्यात आली.
याप्रकरणी संत तुकारामनगर पोलीस ठाण्यात गुन्हा क्रमांक 448/2026 अंतर्गत भारतीय न्याय संहितेच्या कलम 303(2) प्रमाणे गुन्हा दाखल करण्यात आला आहे. अज्ञात चोरट्याचा शोध घेत पुढील तपास पोलीस करत आहेत.
May 12 2026
