Nov 09 2026
हिंजवडी | ९ नोव्हेंबर २०२६ : पिंपरी-चिंचवड पोलीस आयुक्तालयाच्या हद्दीतील हिंजवडी परिसरात असलेल्या ब्ल्यू रिज सोसायटीमध्ये शेजाऱ्यांमधील वादातून शिवीगाळ, मारहाण आणि धमकी दिल्याचा प्रकार समोर आला आहे. एका व्यक्तीला अंगावर धावून जात हाताने मारहाण करण्यात आली. तसेच त्याच्या पत्नी आणि मुलाला बांधून मारण्याची धमकी दिल्याचा आरोप करण्यात आला आहे. याप्रकरणी हिंजवडी पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, या प्रकरणी चंद्रशेखर नागाभूषण रेड्डी (वय ४८ वर्षे, राहणार ब्ल्यू रिज सोसायटी, युनिट बी, ड्रॉवर क्रमांक हिंजवडी फेज १) यांनी फिर्याद दिली आहे.
या प्रकरणात सुब्रात मिश्रा (वय ५० वर्षे, हिंजवडी फेज १) यांच्याविरोधात गुन्हा दाखल करण्यात आला आहे.
फिर्यादी यांनी दिलेल्या तक्रारीनुसार, ६ नोव्हेंबर २०२६ रोजी सायंकाळी साडेसहा वाजण्याच्या सुमारास ब्ल्यू रिज सोसायटी परिसरात ही घटना घडली. नमूद वेळ आणि ठिकाणी आरोपीने फिर्यादी यांना त्यांच्याविरुद्ध यापूर्वी केलेल्या तक्रारीच्या कारणावरून शिवीगाळ केली. त्यानंतर आरोपी फिर्यादी यांच्या अंगावर धावून गेला आणि त्यांना हाताने मारहाण केली.
यावेळी आरोपीने फिर्यादी यांना धमकावल्याचेही तक्रारीत नमूद करण्यात आले आहे. पत्नी आणि मुलांनाही बांधून मारण्याची धमकी दिल्याचे फिर्यादी यांनी सांगितले आहे.
या घटनेनंतर फिर्यादी यांनी हिंजवडी पोलीस ठाण्यात तक्रार दाखल केली. याप्रकरणी भारतीय न्याय संहिता २०२३ मधील कलम ११७(२), ११५(२), १३१, ३५२ आणि ३५१(२) अन्वये गुन्हा दाखल करण्यात आला आहे.
या प्रकरणाचा पुढील तपास पोलीस उपनिरीक्षक पाटील करीत आहेत.
May 12 2026
