Oct 23 2026
देहूरोड | २२ ऑक्टोबर २०२६ : पिंपरी-चिंचवड पोलीस आयुक्तालयाच्या हद्दीत मनाई आदेशाचे उल्लंघन करून लोखंडी कोयता बाळगणाऱ्या २१ वर्षीय तरुणाला देहूरोड पोलिसांनी ताब्यात घेतले आहे. ही कारवाई देहूरोड परिसरातील जुनवणे-विठ्ठलवाडी ते दत्तनगरकडे जाणाऱ्या सार्वजनिक रस्त्यावर करण्यात आली.
पोलिसांनी दिलेल्या माहितीनुसार, रितेश संदीप रिडलान (वय २१ वर्षे, रा. पारशीचाळ, देहूरोड, ता. हवेली, जि. पुणे) असे ताब्यात घेण्यात आलेल्या तरुणाचे नाव आहे.
२१ ऑक्टोबर २०२६ रोजी रात्री ११.३० वाजण्याच्या सुमारास देहूरोड येथील जुनवणे-विठ्ठलवाडी ते दत्तनगरकडे जाणाऱ्या सार्वजनिक रस्त्यावर आरोपी आढळून आला. त्याच्याकडे लोखंडी कोयता असल्याचे पोलिसांच्या निदर्शनास आले.
या प्रकरणात पोलीस शिपाई विक्रम उत्तमराव वाकळे (वय ३४ वर्षे) यांनी फिर्याद दिली आहे.
फिर्यादीनुसार, पिंपरी-चिंचवड पोलीस आयुक्त कार्यालयाकडून १५ ऑक्टोबर २०२६ रोजी मध्यरात्री १२.०१ वाजल्यापासून ३१ ऑक्टोबर २०२६ रोजी रात्री १२ वाजेपर्यंत महाराष्ट्र पोलीस अधिनियम १९५१ च्या कलम ३७(१)(३) अंतर्गत लागू असलेल्या आदेशाचे पालन करणे बंधनकारक होते. मात्र, त्याने या आदेशाचे उल्लंघन केल्याचा आरोप आहे.
या प्रकरणी देहूरोड पोलीस ठाण्यात गुन्हा क्रमांक ४०६/२०२६ नुसार भारतीय हत्यार कायद्याच्या कलम ४(२५) आणि महाराष्ट्र पोलीस अधिनियमाच्या कलम ३७(१)(३) सह १३५ अंतर्गत गुन्हा दाखल करण्यात आला आहे.
आरोपीला ताब्यात घेण्यात आले असून, या प्रकरणाचा पुढील तपास देहूरोड पोलीस करीत आहेत.
May 12 2026
