Oct 23 2026
चिखली | २२ ऑक्टोबर २०२६ : चिखलीतील घरकुल परिसरात घर खाली करण्याच्या कारणावरून झालेल्या वादातून ३५ वर्षीय व्यक्तीला लाकडी दांडक्याने मारहाण केल्याची घटना समोर आली आहे. घर खाली केले नाही तर मारून टाकण्याची धमकी देत आरोपीने फिर्यादीच्या उजव्या हाताच्या कोपरावर आणि डोक्याच्या डाव्या बाजूला प्रहार केल्याचा आरोप आहे. या प्रकरणी चिखली पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, ही घटना २२ ऑक्टोबर २०२६ रोजी दुपारी सुमारे १२.३० वाजता घरकुल, चिखली येथील मेनगेटसमोरील सर्व्हिस रोडवर घडली.
या प्रकरणी राहुल राजेंद्र साळुंके (वय ३५ वर्षे, चिखली, पुणे) यांनी फिर्याद दिली आहे.
आरोपीचे नाव राजेंद्र काशिनाथ साळुंके (वय ६० वर्षे, रा. घरकुल, चिखली, पुणे) असे आहे.
फिर्यादीत नमूद केल्यानुसार, राहुल साळुंके हे त्यांचा भाऊ गणेश याच्यासोबत घरकुल परिसरातील मेनगेटसमोर बोलत थांबले होते. त्यावेळी फिर्यादीचे वडील राजेंद्र साळुंके आणि आई संगीता तेथे आले.
या वेळी राजेंद्र साळुंके यांनी राहुल यांना ‘तू माझे घर का खाली करत नाहीस?’ असे विचारले. त्यावरून वाद झाल्यानंतर आरोपीने शिवीगाळ करत घर खाली केले नाही तर मारून टाकण्याची धमकी दिल्याचे फिर्यादीत म्हटले आहे.
त्यानंतर आरोपीने त्याच्याकडील बुलेटमध्ये असलेले लाकडी दांडके काढून राहुल यांच्या उजव्या हाताच्या कोपरावर आणि डोक्याच्या डाव्या बाजूला मारहाण केली. या मारहाणीत राहुल साळुंके जखमी झाल्याचे तक्रारीत नमूद आहे.
या प्रकरणी चिखली पोलीस ठाण्यात गुन्हा क्रमांक ८४९/२०२६ अन्वये भारतीय न्याय संहिता २०२३ च्या कलम ११८(२), ३५२ आणि ३५१(२) प्रमाणे गुन्हा दाखल करण्यात आला असून, पुढील तपास चिखली पोलीस करीत आहेत.
May 12 2026
