राज्यातील रोजगारनिर्मितीसाठी सरकारचे मोठे पाऊल, मोठ्या आस्थापनांमध्ये एकूण २ लाख ५६ हजार कोटींची गुंतवणूक करण्याचा निर्णय

Apr 23 2026
2

पुणे, ता. २३ - राज्यात रोजगारनिर्मिती करण्यासाठी राज्य सरकारने विविध मोठ्या आस्थापनांमध्ये एकूण २ लाख ५६ हजार १३७ कोटींची गुंतवणूक करण्याचा निर्णय घेतला आहे. या विविध मोठ्या आस्थापनांना विशेष प्रोत्साहन देण्यासाठी मान्यता दिली आहे. त्यामुळे भविष्यात राज्यात मोठ्या प्रमाणावर रोजगारनिर्मिती होणार आहे. राज्यातील १८ मोठ्या प्रकल्पांचा यात समावेश आहे. यामुळे सुमारे एक लाखांहून अधिक प्रत्यक्ष व अप्रत्यक्ष रोजगारनिर्मिती होणार आहे, अशी माहिती मुख्यमंत्री देवेंद्र फडणवीस यांनी दिली आहे.

मुख्यमंत्री फडणवीस यांच्या अध्यक्षतेखाली उद्योग, ऊर्जा, कामगार व खनिकर्म विभागाच्या मंत्रिमंडळ उपसमितीची १४ वी बैठक झाली. बैठकीस उपमुख्यमंत्री एकनाथ शिंदे, उद्योग व मराठी भाषा मंत्री डॉ. उदय सामंत, मुख्य सचिव राजेश अग्रवाल उपस्थित होते. या बैठकीमध्ये उच्च तंत्रज्ञानावर आधारित सोलर सेल, मॉडयुल, इग्नॉट, वेफर्स, ग्रीन स्टील, हरित अमोनिया, इलेक्ट्रॉनिक्स उत्पादने, अवकाश व संरक्षण साहित्य, लिथियम आयन बॅटरी, इलेक्ट्रिक वाहन निर्मिती, साहित्य, स्टील व गॅस टू केमिकल निर्मितीच्या प्रकल्पांना विशेष प्रोत्साहन मंजूर करण्यासाठीच्या १८ प्रस्तावांना मुख्यमंत्र्यांनी मान्यता दिली.

केल्या जाणाऱ्या गुतंवणूकींची तपशीलवार माहिती -

१) शिरुर, पुणे - जबिल सर्किट इंडिया प्रा. लि.

गुंतवणूक - १,५०० कोटी रुपये

रोजगार - ३,०००

२) तळेगाव, पुणे - युरोबस इंडिया प्रा. लि.

गुंतवणूक - ४,२०० कोटी रुपये

रोजगार - १२,०००

३) नाशिक - व्हच्र्युओसो कॉम्प्रेसर्स प्रा. लि.

गुंतवणूक - ८०० कोटी रुपये

रोजगार - ५००

४) छत्रपती संभाजीनगर - नायडेक ग्लोबल अप्लायन्सेस इंडिया प्रा. लि.

गुंतवणूक - १,००० कोटी रुपये