५२ कोटी ६५ लाखांचा विक्रीकर थकवल्याने चिखलीतील व्यापाऱ्यावर गुन्हा दाखल

पिंपरी, ता. ६ - वारंवार नोटिस बजावूनही विक्रीकराची रुपये ५२ कोटी ६५ लाख ८८ हजार ८९९/- थकबाकी न भरल्याने चिखली येथील व्यापाऱ्यावर मंगळवारी (ता. ५) चिखली पोलिस ठाण्यात गुन्हा दाखल करण्यात आला आहे. याबाबत, वस्तू व सेवाकर विभागातील राज्यकर निरीक्षक सोमनाथ रणदिवे यांनी तक्रार दिली आहे.

पोलिसांनी दिलेल्या माहितीनुसार, आरोपी व्यापारी चंद्रकात मोरे हे सन २०१४-१५, २०१५-२०१६ आणि सन २०१६-१७ या कालावधीच्या कर विवरणपत्राच्या पडताळणासाठी हजर राहिले नाहीत. त्यांनी विक्रीकराची रुपये ५२ कोटी ६५ लाख ८८ हजार ८९९/- थकबाकी भरलेली नाही. याबाबत मोरे यांना वारंवार वस्तू व सेवाकर विभागाकडून नोटिस बजावली आहे. पण, त्यांनी नोटिशीला प्रतिसाद दिला नाही. त्यामुळे चंद्रकांत मोरे व महिला आरोपी यांच्यावर मंगळवारी (ता. २) चिखली पोलिस ठाण्यात मुल्यवर्धीत कर कायदा २००२ च्या कलम ७४ (३) (H) व कलम ७४ (३) (t) नुसार गुन्हा दाखल करण्यात आला आहे.