Oct 28 2026
चिखली | २८ ऑक्टोबर २०२६ : पिंपरी-चिंचवड शहरातील चिखली परिसरात स्ट्रांग विंग होंडा शोरूमच्या गोडाऊनमधून होंडा ॲक्टिव्हा दुचाकी चोरीला गेल्याची घटना समोर आली आहे. गोडाऊनमध्ये हँडल लॉक करून पार्क केलेली ८२ हजार ९२१ रुपये किमतीची काळ्या रंगाची होंडा ॲक्टिव्हा ६ जी अज्ञात चोरट्याने चोरून नेली. याप्रकरणी चिखली पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, ही घटना १६ ऑक्टोबर २०२६ रोजी सकाळी ८ ते १० वाजण्याच्या दरम्यान घडली.
या प्रकरणी चैतन्य बाळू चाटे (वय २२ वर्षे, व्यवसाय नोकरी, रा. जाधववाडी, चिखली, पुणे; मूळगाव निघोज, ता. पारनेर, जि. अहिल्यानगर) यांनी फिर्याद दिली आहे.
फिर्यादीनुसार, चैतन्य चाटे हे स्ट्रांग विंग होंडा शोरूमच्या गोडाऊनमध्ये काम करत होते. त्यांनी गोडाऊनमध्ये काळ्या रंगाची होंडा ॲक्टिव्हा ६ जी (११० सीसी) दुचाकी हँडल लॉक करून पार्क केली होती.
मात्र, सकाळी ८ ते १० वाजण्याच्या कालावधीत अज्ञात व्यक्तीने गोडाऊनमधील ही दुचाकी चोरून नेली. चोरीला गेलेल्या दुचाकीची किंमत ८२ हजार ९२१ रुपये असल्याचे फिर्यादीत नमूद करण्यात आले आहे.
विशेष म्हणजे, संबंधित दुचाकीला अद्याप आरटीओ नोंदणी क्रमांक मिळालेला नव्हता. दुचाकीचा रंग काळा असून, ती होंडा ॲक्टिव्हा ६ जी मॉडेलची असल्याची माहिती पोलिसांकडे नोंदविण्यात आली आहे.
घटनेनंतर चैतन्य चाटे यांनी चिखली पोलीस ठाण्यात तक्रार दिली. त्यानुसार २७ ऑक्टोबर २०२६ रोजी गुन्हा क्रमांक ८६९/२०२६ नोंदविण्यात आला आहे.
अज्ञात चोरट्याविरोधात भारतीय न्याय संहिता २०२३ चे कलम ३०३(२) अन्वये गुन्हा दाखल करण्यात आला असून, पुढील तपास चिखली पोलीस करीत आहेत.
May 12 2026
