Jul 16 2026
डेंग्यू, मलेरिया आणि चिकनगुनिया प्रतिबंधासाठी अशी घ्या काळजी, महापालिकेचे आवाहन
पिंपरी, ता. १६ जुलै २०२६ - पावसाळ्यात डेंग्यू, मलेरिया आणि चिकनगुनिया यांसारख्या आजारांचा प्रसार प्रामुख्याने साचलेल्या स्वच्छ पाण्यात होणाऱ्या डासांच्या उत्पत्तीमुळे होतो. त्यामुळे प्रत्येक नागरिकाने आपल्या घरात व परिसरात खालील बाबींची विशेष काळजी घ्यावी, असे आवाहन महापालिकेने केले आहे.
➡️ टाकाऊ वस्तूंची योग्य विल्हेवाट लावा.
➡️ जुने टायर, नारळाच्या करवंट्या, प्लास्टिकचे कप, बाटल्या, डबे किंवा इतर भंगार वस्तूंमध्ये पाणी साचण्याची शक्यता असते. अशा वस्तू घराजवळ किंवा मोकळ्या जागेत साठवून ठेवू नयेत.
➡️ कुलर, फुलदाण्या, पक्ष्यांच्या पाण्याची भांडी आणि फ्रिजच्या ट्रेमधील पाणी नियमित बदला.
➡️ गच्ची, बाल्कनी, अंगण, सोसायटी परिसर, बांधकाम स्थळे आणि सार्वजनिक ठिकाणी पाणी साचल्यास त्वरित त्याची विल्हेवाट लावावी.
➡️ घर आणि परिसरात पावसाचे किंवा सांडपाणी साचू देऊ नका.
➡️ अगदी कमी प्रमाणातील साचलेल्या पाण्यातही डासांची पैदास होऊ शकते. त्यामुळे दर ७ दिवसांनी हे पाणी रिकामे करून स्वच्छ करावे.
➡️ पाण्याच्या टाक्या, ड्रम, हौद आणि पाणीसाठ्याची भांडी नेहमी झाकून ठेवा.
➡️ आठवड्यातून एक दिवस 'कोरडा दिवस' पाळा.
➡️ उघड्या पाण्यात डास अंडी घालतात. त्यामुळे सर्व पाणीसाठे घट्ट झाकणांनी बंद ठेवणे आवश्यक आहे.
➡️ दर आठवड्याला एक दिवस निश्चित करून घरातील सर्व पाणीसाठे रिकामे करा, स्वच्छ घासा आणि कोरडे ठेवा. डेंग्यूचा डास साधारणतः ७ दिवसांत विकसित होतो. त्यामुळे 'कोरडा दिवस' पाळल्यास डासांची उत्पत्ती रोखता येते.
Jul 16 2026
