Oct 20 2026
भोसरी | १९ ऑक्टोबर २०२६ : पिंपरी-चिंचवडमधील भोसरी परिसरात सोसायटीच्या खुल्या पार्किंगमध्ये उभी केलेली १२ लाख रुपये किमतीची महिंद्रा स्कॉर्पिओ कार अज्ञात चोरट्याने चोरून नेल्याची घटना समोर आली आहे. रात्री पार्क केलेली कार सकाळी गायब झाल्याचे लक्षात आल्यानंतर या प्रकरणी भोसरी पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, ही घटना १९ ऑक्टोबर २०२६ रोजी मध्यरात्री १२.३० ते सकाळी ७ वाजण्याच्या दरम्यान भोसरीतील इंद्रायणीनगर परिसरातील प्रकाश निलम सोसायटीजवळील खुल्या पार्किंगमध्ये घडली.
या प्रकरणी दत्तात्रय बाबाजी दौंडकर (वय ४४ वर्षे, इंद्रायणीनगर, भोसरी, पुणे) यांनी फिर्याद दिली आहे.
फिर्यादीनुसार, दौंडकर यांच्या मालकीची काळ्या रंगाची महिंद्रा स्कॉर्पिओ चारचाकी (क्रमांक MH-14 ND 8909) ही त्यांचा मुलगा अभिषेक याने सोसायटीच्या बाजूला असलेल्या खुल्या पार्किंगमध्ये लॉक करून उभी केली होती.
मात्र, सकाळी संबंधित ठिकाणी पाहणी केली असता कार पार्किंगमध्ये आढळून आली नाही. त्यामुळे आजूबाजूच्या परिसरात गाडीचा शोध घेण्यात आला. शोध घेऊनही कार मिळाली नसल्याने अज्ञात व्यक्तीने वाहन चोरून नेल्याचे फिर्यादीच्या निदर्शनास आले.
चोरीला गेलेल्या स्कॉर्पिओची किंमत १२ लाख रुपये असल्याचे तक्रारीत नमूद करण्यात आले आहे. या घटनेमुळे सोसायटीच्या खुल्या पार्किंगमधील वाहनांच्या सुरक्षेचा प्रश्न पुन्हा समोर आला आहे.
या प्रकरणी १९ ऑक्टोबर २०२६ रोजी भोसरी पोलीस ठाण्यात गुन्हा क्रमांक ७१४/२०२६ नोंदविण्यात आला आहे. भारतीय न्याय संहितेच्या कलम ३०३(२) नुसार अज्ञात चोरट्याविरोधात गुन्हा दाखल करण्यात आला असून, पुढील तपास पोलीस करत आहेत.
May 12 2026
