Oct 20 2026
पिंपरी | २० ऑक्टोबर २०२६ : पिंपरी गावातील ज्येष्ठ सामाजिक कार्यकर्ते बाळकृष्ण रघुनाथ वाघेरे (वय ८६ वर्षे) यांचे निधन झाले. ते पिंपरीचे नगरसेवक संदीप बाळकृष्ण वाघेरे यांचे वडील होते. त्यांच्या निधनामुळे वाघेरे कुटुंबीयांवर दुःखाचा डोंगर कोसळला असून, पिंपरी गावात शोककळा पसरली आहे.
बाळकृष्ण वाघेरे हे कष्टाळू आणि सामाजिक बांधिलकी जपणारे व्यक्तिमत्त्व म्हणून परिचित होते. शेती आणि दुग्धव्यवसायाच्या माध्यमातून त्यांनी आपल्या कुटुंबाची आर्थिक प्रगती साधली. प्रामाणिक कष्ट, जिद्द आणि मेहनतीच्या बळावर त्यांनी कुटुंबाचा संसार उभा केला.
पिंपरी गावातील सामाजिक, धार्मिक आणि सार्वजनिक कार्यात त्यांचा सक्रिय सहभाग होता. गावातील सामाजिक एकोपा वाढविणे, धार्मिक परंपरा जपणे आणि सांस्कृतिक वारसा टिकविण्यासाठी त्यांनी सातत्याने प्रयत्न केले. नागरिकांशी असलेले जिव्हाळ्याचे संबंध आणि समाजहिताच्या कार्यातील सहभागामुळे त्यांना गावात आदराचे स्थान होते.
विशेषतः पिंपरी गावातील ग्रामदैवतांच्या मंदिरांच्या उभारणीसाठी त्यांनी पुढाकार घेतला होता. मंदिर उभारणीच्या कामात स्वखर्चातून योगदान देण्याबरोबरच त्यांनी परिश्रमही घेतले. गावाच्या धार्मिक आणि सांस्कृतिक परंपरांबद्दल त्यांना विशेष आस्था होती.
शेती आणि दुग्धव्यवसायातून कुटुंबाची प्रगती साधतानाच त्यांनी सामाजिक कार्याशी असलेले नाते अखेरपर्यंत जपले. त्यांच्या निधनामुळे पिंपरी गावातील सामाजिक आणि धार्मिक क्षेत्रात पोकळी निर्माण झाल्याची भावना व्यक्त होत आहे.
त्यांच्या पश्चात तीन मुले, एक मुलगी, भाऊ, सुना आणि नातवंडे असा मोठा परिवार आहे.
बाळकृष्ण रघुनाथ वाघेरे यांच्यावर आज, मंगळवार, २० ऑक्टोबर २०२६ रोजी रात्री ८ वाजता पिंपरी गाव स्मशानभूमी येथे अंत्यसंस्कार करण्यात येणार आहेत.
May 12 2026
