Sep 09 2026
वाकड | 7 सप्टेंबर 2026 : कस्पटे चौकाजवळ वाकड पोलिसांनी केलेल्या कारवाईत तीन आरोपींकडून 25.865 किलो गांजा जप्त करण्यात आला. गांजा, कार आणि मोबाइलसह एकूण 23 लाख 63 हजार 250 रुपयांचा मुद्देमाल पोलिसांनी ताब्यात घेतला आहे.
ही कारवाई रात्री 7:30 वाजण्याच्या सुमारास मुळा नदीवरील अर्धवट तयार पुलाजवळ करण्यात आली. पोलीस हवालदार वंदू दत्तात्रय गिरे यांनी याबाबत फिर्याद दिली आहे.
पोलिसांच्या प्रेसनोटनुसार, आबा मल्हारी खलाटे, प्रमोद भिमराव गाडेकर आणि गोरक्षनाथ शिवाजी वाळके या तीन आरोपींना अटक करण्यात आली आहे. आरोपींकडे 13 लाख 13 हजार 250 रुपये किमतीचा 25.865 किलो गांजा आढळल्याचे पोलिसांनी म्हटले आहे.
गांजाची बेकायदेशीरपणे विक्री करण्याच्या उद्देशाने वाहतूक केली जात असल्याचा आरोप आहे. पोलिसांनी कार, मोबाइल आणि इतर मुद्देमालही जप्त केला. जप्त केलेल्या सर्व मालाची एकूण किंमत 23 लाख 63 हजार 250 रुपये आहे.
याप्रकरणी वाकड पोलीस ठाण्यात गुन्हा क्रमांक 513/2026 नोंदवण्यात आला आहे. अमली पदार्थांचा स्रोत आणि विक्रीचे जाळे याबाबत पुढील तपास सुरू आहे.
May 12 2026
