Jul 30 2026
पवना धरण २९ जुलैपर्यंत ९७ टक्के भरले, विसर्ग वाढवण्याची शक्यता
पिंपरी, ता. ३० जुलै २०२६ - पवना धरण २९ जुलैपर्यंत ९७ टक्के भरले आहे. सध्या धरणातून नदीपात्रात १४०० क्यूसेक विसर्ग सुरु आहे. पावसाचे प्रमाण व येवा पाहता विसर्ग टप्प्याटप्प्याने ५००० क्यूसेक पर्यंत वाढवला जाण्याची दाट शक्यता आहे.
त्यामुळे नदीकाठावरील नागरिकांनी सतर्क राहून नदीपात्रातील साहित्य, शेती अवजारे, कृषी पंप व जनावरे सुरक्षित ठिकाणी हलवावीत. अफवांवर विश्वास न ठेवता प्रशासनाच्या अधिकृत सूचनांचे पालन करावे, अशी सूचना पिंपरी चिंचवड महानगरपालिका प्रशासनाने बुधवारी (ता. २९) रात्री दिली आहे.
Jul 30 2026
