Sep 29 2026
पिंपरी | २९ सप्टेंबर २०२६ : पूर्वीच्या भांडणाचा राग मनात धरून २६ वर्षीय रिक्षाचालकाला लाथाबुक्क्यांनी मारहाण करत डोक्यात चाकू मारून जखमी केल्याची घटना पिंपरी येथे घडली. याप्रकरणी पिंपरी पोलिसांनी दोन अनोळखी व्यक्तींविरोधात गुन्हा दाखल केला आहे.
पोलिसांनी दिलेल्या माहितीनुसार, मेहराज हकीम शेख (वय २६, व्यवसाय रिक्षाचालक, पिंपरी, पुणे) यांनी फिर्याद दिली आहे. आली आणि तनु (पूर्ण नाव व पत्ता माहिती नाही) अशी आरोपींची नावे नोंदविण्यात आली आहेत.
ही घटना २७ सप्टेंबर रोजी रात्री साडेअकराच्या सुमारास आंबेडकर चौकामधील रॉक्सी हॉटेलसमोर, पिंपरी येथे घडली.
फिर्यादीत म्हटले आहे की, आरोपींनी ऑटो रिक्षा क्रमांक MH-14-HM-7565 मधून येऊन पूर्वीच्या भांडणाचा राग मनात धरून फिर्यादीला लाथाबुक्क्यांनी मारहाण केली. त्यानंतर शिवीगाळ करत दुखापत करण्याच्या उद्देशाने फिर्यादीच्या डोक्यात चाकू मारून त्याला जखमी केले.
याप्रकरणी पिंपरी पोलीस ठाण्यात गुन्हा दाखल करण्यात आला आहे. भारतीय न्याय संहितेच्या संबंधित कलमांनुसार दोन्ही आरोपींविरोधात कारवाई करण्यात आली असून पिंपरी पोलीस पुढील तपास करत आहेत.
May 12 2026
