शिवसेनेचा कार्यकर्ता नागरिकांना जाणीवपूर्वक त्रास देत असेल तर माझ्याशी संपर्क साधावा - खासदार श्रीरंग बारणे
May 26 2026
5शिवसेनेचा कार्यकर्ता नागरिकांना जाणीवपूर्वक त्रास देत असेल तर माझ्याशी संपर्क साधावा - खासदार श्रीरंग बारणे
पिंपरी, ता. २६ - शिवसेनेच्या पदाचा, लेटरहेडचा गैरवापर करुन नागरिकांना जाणीवपूर्वक त्रास दिल्यास पक्षातून हकालपट्टी करण्याचा इशारा शिवसेना उपनेते, खासदार श्रीरंग बारणे यांनी पदाधिकाऱ्यांना दिला आहे.
खासदार बारणे यांनी सांगितले आहे की, ''राज्याचे उपमुख्यमंत्री, शिवसेनेचे मुख्य नेते एकनाथ शिंदे हे चोवीस तास काम करीत आहेत. त्यांच्यावर राज्यातील जनतेचा मोठा विश्वास आहे. त्यामुळे कार्यकर्त्यांनी जबाबदारीने वागणे आवश्यक आहे. काही पदाधिकारी पदाचा, पक्षाचे चिन्ह असलेल्या लेटरहेडचा गैरवापर करतात. लेटरहेडवरुन पत्रे देऊन, माहितीचा अधिकार वापरून नागरिकांना त्रास देण्याच्या हेतूने अधिकाऱ्यांना पत्रे दिली जात आहेत. याबाबत काही तक्रारी प्राप्त झाल्या आहेत. त्यामुळे कार्यकर्त्यांनी पदाचा गैरवापर करु नये.''
''शिवसेनेचा कोणता कार्यकर्ता नागरिकांना जाणीवपूर्वक त्रास देत असेल तर त्यांनी माझ्याशी संपर्क साधावा. अशा कार्यकर्त्यांची पक्षातून हकालपट्टी करण्यात येईल. पदाचा गैरवापर करणाऱ्यांची यापूर्वी पक्षातून हकालपट्टी करण्यात आली आहे.'' अशी सूचना बारणे यांनी दिली आहे.
May 26 2026
