Oct 07 2026
आळंदी | ४ ऑक्टोबर २०२६ : दुचाकीवरून आळंदी ते आळंदी मार्गे चाकणकडे जात असताना समोरून आलेल्या कारने धडक दिल्याने ३२ वर्षीय तरुण गंभीर जखमी झाल्याची घटना घडली. अपघातात तरुणाच्या उजव्या पायाला फ्रॅक्चर झाले असून दुचाकीचेही नुकसान झाले. अपघातानंतर कारचालक घटनास्थळावरून निघून गेल्याचे फिर्यादीत म्हटले आहे.
पोलिसांनी दिलेल्या माहितीनुसार, ही घटना ४ ऑक्टोबर रोजी रात्री १०.१५ वाजण्याच्या सुमारास एमआयटी कॉलेजच्या पुढे, घाटामध्ये, हनुमान वाडी, ता. खेड, जि. पुणे येथे घडली. संतोष भाऊसाहेब नेहे (वय ३२, आळंदी, ता. खेड, जि. पुणे; मूळ रा. मुक्काम पोस्ट निमगाव, ता. संगमनेर, जि. अहिल्यानगर) यांनी फिर्याद दिली आहे.
फिर्यादी त्यांच्या हिरो एच.एफ. डिलक्स दुचाकी (क्र. MH 17 CA 6694) वरून आळंदी ते आळंदी मार्गे चाकण येथे ड्युटीसाठी जात होते. ते एमआयटी कॉलेजच्या पुढील हनुमान वाडी येथील घाटात आले असताना समोरून येणाऱ्या टाटा नेक्सॉन कार (क्र. MH 14 MQ 8159) ने त्यांच्या दुचाकीला धडक दिल्याचे फिर्यादीत नमूद आहे.
या अपघातात फिर्यादीच्या उजव्या पायाला फ्रॅक्चर झाले. तसेच त्यांच्या मोटारसायकलचे नुकसान झाले. अपघातानंतर कारचालक घटनास्थळावरून निघून गेल्याचे फिर्यादीने म्हटले आहे. संबंधित कारचालकाचे नाव व पत्ता अद्याप माहिती नसल्याचे नोंदीत नमूद आहे.
याप्रकरणी आळंदी पोलिस ठाण्यात भारतीय न्याय संहितेच्या संबंधित कलमांसह मोटार वाहन कायद्यानुसार गुन्हा दाखल करण्यात आला असून पुढील तपास आळंदी पोलिस करीत आहेत.
May 12 2026
