Oct 02 2026
बाणेर | १ ऑक्टोबर २०२६ : सोसायटीसमोर लॉक करून पार्क केलेली १० हजार रुपये किमतीची होंडा शाईन दुचाकी अज्ञात चोरट्याने चोरून नेल्याची घटना बाणेर परिसरात घडली. याप्रकरणी बावधन पोलीस ठाण्यात अज्ञात चोरट्याविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, रणजीत भगवान भंडलकर (वय ३२, वारजे, ता. हवेली, जि. पुणे) यांनी फिर्याद दिली आहे.
ही घटना २२ सप्टेंबर २०२६ रोजी सकाळी ९ वाजून ४५ मिनिटांपासून ते ३० सप्टेंबर २०२६ रोजी रात्री ८ वाजेपर्यंतच्या कालावधीत चांदणी चौकाजवळ, बाणेर, पुणे येथे घडली.
फिर्यादीनुसार, भंडलकर यांनी त्यांची १० हजार रुपये किमतीची काळ्या रंगाची होंडा कंपनीची दुचाकी क्रमांक MH-42/A-M-6918 लॉक करून सोसायटीसमोर पार्क केली होती. या कालावधीत अज्ञात चोरट्याने दुचाकीचे लॉक उघडून किंवा तोडून ती फिर्यादीच्या संमतीशिवाय आणि लबाडीच्या इराद्याने चोरून नेल्याचे फिर्यादीत म्हटले आहे.
याप्रकरणी बावधन पोलीस ठाण्यात भारतीय न्याय संहितेच्या कलम ३०३(२) अंतर्गत अज्ञात चोरट्याविरोधात गुन्हा दाखल करण्यात आला असून पुढील तपास सुरू आहे.
May 12 2026
