Oct 03 2026
पिंपरी | २ ऑक्टोबर २०२६ : राष्ट्रपिता महात्मा गांधी आणि माजी पंतप्रधान भारतरत्न लालबहादूर शास्त्री यांच्या जयंतीनिमित्त पिंपरी-चिंचवड महापालिकेच्या वतीने त्यांना अभिवादन करण्यात आले. महापालिकेच्या पिंपरी येथील मुख्य प्रशासकीय इमारतीमध्ये आयोजित कार्यक्रमात उपमहापौर शर्मिला बाबर यांनी महात्मा गांधी आणि लालबहादूर शास्त्री यांच्या प्रतिमांना पुष्पहार अर्पण करून अभिवादन केले.
यावेळी महापालिकेचे विरोधी पक्षनेते भाऊसाहेब भोईर, नगरसदस्या अनुराधा गोरखे, उप आयुक्त अण्णा बोदडे, जनता संपर्क अधिकारी प्रफुल्ल पुराणिक, सामाजिक कार्यकर्ते युवराज दाखले यांच्यासह महापालिकेच्या विविध विभागांतील कर्मचारी उपस्थित होते.
महात्मा गांधी यांनी स्वातंत्र्यपूर्व काळात इंग्रजांविरोधातील भारत छोडो आंदोलन आणि असहकार आंदोलनाच्या माध्यमातून स्वातंत्र्यलढ्यात महत्त्वाची भूमिका बजावली. सत्य, अहिंसा आणि स्वच्छता या मूल्यांचा त्यांनी सातत्याने आग्रह धरला. त्यांच्या विचारांनी देशभरातील स्वातंत्र्यसैनिक आणि देशभक्तांना प्रेरणा दिली.
माजी पंतप्रधान भारतरत्न लालबहादूर शास्त्री यांनीही देशाच्या स्वातंत्र्यलढ्यात योगदान दिले. स्वातंत्र्यसैनिक, मुत्सद्दी राजकारणी आणि प्रखर देशभक्त म्हणून त्यांचे कार्य उल्लेखनीय राहिले. देशवासीयांचे बळ सैन्यदलाच्या पाठीशी उभे करण्यासाठी त्यांनी दिलेल्या योगदानाचेही यावेळी स्मरण करण्यात आले.
महापालिकेच्या मुख्य प्रशासकीय इमारतीमध्ये झालेल्या या कार्यक्रमातून दोन्ही महापुरुषांच्या कार्याचे आणि विचारांचे स्मरण करत त्यांना अभिवादन करण्यात आले.
May 12 2026
