Oct 01 2026
पुणे | ३० सप्टेंबर २०२६ : महाराष्ट्र विधान परिषदेच्या पुणे विभाग पदवीधर आणि पुणे विभाग शिक्षक मतदारसंघाच्या निवडणुकीसाठी शनिवार, ३ ऑक्टोबर रोजी प्रशासकीय सुट्टी असतानाही उमेदवारांची नामनिर्देशन पत्रे स्वीकारण्यात येणार आहेत. सकाळी ११ ते दुपारी ३ या वेळेत उमेदवारांना नामनिर्देशन पत्र दाखल करता येणार असल्याची माहिती निवडणूक निर्णय अधिकारी तथा विभागीय आयुक्त शीतल तेली-उगले यांनी दिली आहे.
पुणे विभाग पदवीधर आणि शिक्षक मतदारसंघाच्या निवडणुकीची प्रक्रिया सुरू असून, उमेदवारांना नामनिर्देशन पत्र दाखल करण्यासाठी ६ ऑक्टोबर २०२६ ही अंतिम तारीख निश्चित करण्यात आली आहे.
दरम्यान, ३ ऑक्टोबर रोजी शनिवारची प्रशासकीय सुट्टी आहे. मात्र, उमेदवारांना नामनिर्देशन पत्र दाखल करण्यासाठी उपलब्ध कालावधी लक्षात घेऊन त्या दिवशीही नामनिर्देशन पत्रे स्वीकारण्याची व्यवस्था करण्यात आली आहे. सकाळी ११ ते दुपारी ३ या चार तासांच्या कालावधीत उमेदवारांकडून अर्ज स्वीकारले जाणार आहेत.
महाराष्ट्राच्या मुख्य निवडणूक अधिकारी कार्यालयाने २२ सप्टेंबर २०२६ रोजी पदवीधर आणि शिक्षक मतदारसंघांच्या द्विवार्षिक निवडणुकीसंदर्भातील अधिकृत निवडणूक सूचना प्रसिद्ध केली आहे.
May 12 2026
