Oct 06 2026
थेरगाव | ५ ऑक्टोबर २०२६ : पैशांच्या देवाणघेवाणीच्या कारणावरून कुटुंबाच्या ओळखीच्या व्यक्तीने घरात येऊन फिर्यादीच्या पतीवर चाकूने चार ते पाच वेळा वार करून त्यांचा खून केल्याची घटना थेरगाव येथे घडली. याप्रकरणी वाकड पोलिसांनी आरोपीला अटक केली आहे.
पोलिसांनी दिलेल्या माहितीनुसार, ही घटना ५ ऑक्टोबर रोजी सकाळी ७.४५ वाजण्याच्या सुमारास मधुबन कॉलनी, पाण्याच्या टाकीच्या पाठीमागे, थेरगाव येथे घडली. या प्रकरणी एका महिलेने फिर्याद दिली आहे.
फिर्यादीचे पती आणि आरोपी यांची ओळख होती. त्यांच्यात पैशांच्या देवाणघेवाणीचे व्यवहार होते. याच पैशांच्या देवाणघेवाणीच्या कारणावरून आरोपी फिर्यादीच्या घरी आला. त्यानंतर आरोपीने फिर्यादीचे पती काशिनाथ संभाजी वावळे यांच्यावर चाकूने चार ते पाच वेळा वार करून त्यांना जीवे ठार मारल्याचे फिर्यादीत म्हटले आहे.
या प्रकरणात यल्लालिंग उर्फ यल्लप्पा शिवरणप्पा आळंदकर (रा. साईबाबा मंदिराच्या पाठीमागे, थेरगाव) याला पोलिसांनी अटक केली आहे.
याप्रकरणी वाकड पोलिस ठाण्यात भारतीय न्याय संहिता २०२३ च्या कलम १०३(१) आणि महाराष्ट्र पोलीस अधिनियमाच्या संबंधित कलमानुसार गुन्हा दाखल करण्यात आला आहे. पुढील तपास पोलीस हवालदार धुमाळ करीत आहेत.
May 12 2026
