अनधिकृत बांधकामे व अतिक्रमणांविरोधात कारवाई अधिक काटेकोर करा - आयुक्त डॉ. विजय सूर्यवंशी
Apr 21 2026
43
अनधिकृत बांधकामे व अतिक्रमणांविरोधात कारवाई अधिक काटेकोर करा - आयुक्त डॉ. विजय सूर्यवंशी
पिंपरी, ता. २१ - शहरातील अनधिकृत बांधकामे व अतिक्रमणांविरोधात कारवाई अधिक काटेकोर करण्याचे निर्देश महापालिका आयुक्त डॉ. विजय सूर्यवंशी यांनी अधिकाऱ्यांना दिले. पिंपरी चिंचवड महानगरपालिकेच्या क्षेत्रीय कार्यालयांनिहाय करण्यात आलेल्या अनधिकृत बांधकामे व अतिक्रमणांविरोधात धडक कारवाईचा सविस्तर आढावा सोमवारी (ता. २०) आयुक्तांनी घेतला.
महापालिका आयुक्त यांच्या कार्यालयात झालेल्या या बैठकीला अतिरिक्त आयुक्त तृप्ती सांडभोर, उपायुक्त राजेश आगळे, अण्णा बोदडे, अतिक्रमण विभागाचे मुख्यालय उपायुक्त तथा क्षेत्रीय अधिकारी अतुल पाटील यांच्यासह क्षेत्रीय अधिकारी निवेदिता घार्गे, राजाराम सरगर, अजिंक्य येळे, तानाजी नरळे, किशोर ननवरे, पूजा दुधनाळे यांच्यासह अधिकारी, कर्मचारी उपस्थित होते. आयुक्त डॉ. सूर्यवंशी यांनी बैठकीमध्ये अनधिकृत बांधकाम, अतिक्रमण कारवाई, नाल्यावरील अतिक्रमण निर्मूलनची तसेच अनधिकृत बांधकामे व अतिक्रमणांविरोधात प्रास्तावित कारवाईची माहिती घेतली.
आयुक्त डॉ. सूर्यवंशी म्हणाले, ''पिंपरी-चिंचवड शहरातील अनधिकृत बांधकामे व अतिक्रमणांवर कठोर कारवाई करण्यात यावी. या कारवाईचा नियमित आढावा घेऊन संबंधित अधिकाऱ्यांनी नियमित पाहणी करावी. जे फेरीवाले रस्त्यावर स्टॉल लावतात, त्यांच्यावर देखील कारवाई करावी. नागरिकांच्या सुरक्षेच्या तसेच शहराच्या नियोजनबद्ध विकासाच्या दृष्टीने ही कारवाई अधिक प्रभावीपणे राबविण्यात यावी. नागरिकांनीही नियमांचे पालन करुन प्रशासनास सहकार्य करावे.''
Apr 21 2026
