Sep 22 2026
चिंचवड | २१ सप्टेंबर २०२६ : पूर्वी झालेल्या किरकोळ वादाचा राग मनात धरून २८ वर्षीय तरुणाला शिवीगाळ करत हाताने मारहाण केल्याची घटना चिंचवड येथील तिरुपती एंटरप्रायझेस गांधी पेठ येथील पार्किंगमध्ये घडली. या मारहाणीत फिर्यादी किरकोळ जखमी झाला आहे. याप्रकरणी चिंचवड पोलीस ठाण्यात दोघांविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, अतुल शाम यादव (वय २८, रा. तुळजाई कॉलनी लेन नं. ०३, थेरगाव, पुणे) यांनी फिर्याद दिली आहे. रोहित खताळ, कार्तिक कांबळे आणि साहिल ( सर्व रा. थेरगाव, पुणे) अशी आरोपींची नावे आहेत.
ही घटना २१ सप्टेंबर रोजी रात्री साडेबारा वाजण्याच्या सुमारास तिरुपती एंटरप्रायझेस, गांधी पेठ, चिंचवड येथील पार्किंगमध्ये घडली.
फिर्यादी आणि आरोपी यांच्यात यापूर्वी किरकोळ वाद झाला होता. त्याच वादाचा राग मनात धरून आरोपींनी फिर्यादीला शिवीगाळ केली. त्यानंतर हाताने मारहाण केल्याने फिर्यादी किरकोळ जखमी झाल्याचे तक्रारीत नमूद करण्यात आले आहे.
याप्रकरणी चिंचवड पोलीस ठाण्यात गुन्हा दाखल करण्यात आला आहे. भारतीय न्याय संहितेच्या संबंधित कलमांनुसार दोन्ही आरोपींविरोधात कारवाई करण्यात आली असून पुढील तपास चिंचवड पोलीस करत आहेत.
May 12 2026
