Jun 13 2026
3मोशीमध्ये १९ वर्षीय तरुणाकडे सापडला २०० ग्रॅम गांजा
पिंपरी, ता. १३ - एमआयडीसी भोसरी पोलिस ठाण्याच्या हद्दीत मोशी परिसरात गांजा बाळगल्याप्रकरणी एका तरुणाविरुद्ध एनडीपीएस कायद्यान्वये गुन्हा दाखल करण्यात आला आहे.
पोलिसांनी दिलेल्या माहितीनुसार, दिनांक १२ जून २०२६ रोजी सायंकाळी सुमारे ७.४५ वाजता कल्याण कॉलनी क्रमांक १, कचरा डेपो जवळ, नवीन बांधकामाच्या भिंतीच्या आडोशाला, आदर्श नगर, मोशी येथे कारवाई करण्यात आली. या कारवाईदरम्यान अर्जुन थापा ऊर्फ विश्वकर्मा (वय १९, रा. कल्याण कॉलनी क्रमांक १, कचरा डेपो जवळ, आदर्श नगर, मोशी, पुणे) याच्या ताब्यात १० हजार रुपये किंमतीचा २०० ग्रॅम गांजा हा अंमली पदार्थ आढळून आला.
हा गांजा आरोपीने अनधिकृत व बेकायदेशीररित्या विक्रीसाठी जवळ बाळगल्याचे निष्पन्न झाल्याने त्याच्याविरुद्ध एनडीपीएस अॅक्ट कलम ८(क), २०(ब)(ii)(अ) अन्वये एमआयडीसी भोसरी पोलिस ठाण्यात गुन्हा दाखल करण्यात आला. हा गुन्हा रात्री ११.४६ वाजता नोंदविण्यात आला आहे.
या प्रकरणी पोलीस शिपाई आनंद किसन जाधव (ब.नं. ३५७२) यांनी फिर्याद दिली असून पुढील तपास पोलीस उपनिरीक्षक जोनापल्ले करीत आहेत. आरोपीला अद्याप अटक करण्यात आलेली नाही.
Jun 13 2026
